Tangri qiyomat kuni aytadi: “Ey inson farzandi! Betob boʻldim, meni kelib koʻrmading”. U odam aytadi: “Ey rabbim, sen butun olamning Parvardigori boʻla turib men seni qanday koʻrishim mumkin edi?” Tangri aytadiki: “Falonchi odamni betobligida borib koʻrmading-ku, agar borganingda uning oldida Meni topgan boʻlur eding. Ey inson farzandi! Oʻzing ovqatlanding, ammo meni yoʻqlamading”. Odam aytadi: “Ey rabbim, sen butun olamning podshohi boʻlsang-ku, men seni qanday ovqatlantirishim mumkin edi?” Tangri aytadi: “Falon bandam muhtoj boʻlib oldingga borganida, sen uning hojatini ravo qilmading. Agar ravo qilganingda edi, oʻsha yerda meni topgan boʻlur eding”.