Nafs insonga shaytondan ham dushmanroqdir. U doim behuda va botil (buzuq) narsalarga oʻralashadi. Behuda kibrga beriladi. Agar nafsingdan mamnun boʻlib, uning xohishlariga yursang, manziling falokatdir, oʻlimdir. Agar nafsga “TOʻXTA!” deyishga ojizlik qilsang, u seni yongʻinga olib boradi. Nafs – balolarning boshi, razolatning manbaidir.
Yodgor Obid: Turkiston
Xayoldan, tuygʻudan, rangdan iborat-
Orzular sharbatin emgan hayajon.
Asli saхovatning ramzidir faqat –
Oʻzbek yuragiday ochiq dasturxon.
Shirin bir entikish, shirin halovat –
Koʻngilni qalqitar. Yogʻdirar surur,
Ochiq dasturxonga qilaman daʼvat …
Doʻstlar ham rad etmas… Xudoga shukur!
Suhbat ham soz boʻlar. Davra ham gavjum.
Bu – shunday orzudir, bu – shunday armon.
Anordek oʻrtada koʻrsatar husnin –
Bagʻri tilim-tilim boʻlgan Turkiston!
So’nggi izohlar